காரமான வரமிளகாய் துவையல் ....!!

தேவையான பொருட்கள் :

வரமிளகாய் - 10

பெரிய வெங்காயம் – 1

சின்ன வெங்காயம் – 10

பூண்டு – 1 பல்

தக்காளி – 2

பெருங்காயம் – 1 துண்டு

உப்பு – அரை டீஸ்பூன்

புளி – எலுமிச்சை அளவு

எண்ணெய் – 1 டேபிள் ஸ்பூன்

கடுகு – அரை டீஸ்பூன்

உளுந்து – ஒரு டேபிள் ஸ்பூன்

கறிவேப்பிலை – 1 இணுக்கு

செய்முறை :

* பெரிய வெங்காயம் சின்னவெங்காயம், பூண்டைத் தோலுரித்து பொடியாக நறுக்கி கொள்ளவும் 

* தக்காளியைத் துண்டுகளாக நறுக்கவும். 

* மிக்ஸியில் வரமிளகாய், பெரிய வெங்காயம், சின்ன வெங்காயம் பூண்டு, தக்காளி, பெருங்காயம், உப்பு, புளி சேர்த்து நீர் விடாமல் அரைக்கவும்.

* கடாயில் எண்ணெயைக் காயவைத்து கடுகு, உளுந்து தாளித்து கறிவேப்பிலை போட்டு தாளித்து சட்னியில் கொட்டிக் கலந்து பரிமாறவும்.

* சுவையான வரமிளகாய்த் துவையல் ரெடி.

* இட்லி, தோசைக்கு மிகவும் சுவையாக இருக்கும்